עזרה הדדית
סְּפָרִים
ታሪኩን ተከትለው የሚመጡ ቤተሰባዊ ተግባራት፡-
ግንኙነት
ከዚህ በፊት ስለተዋወቃችኋቸው ወይም ስለምታውቋቸው አረጋውያን መናገር ትችላላችሁ። እነማን ነበሩ? ከዚህ በፊት ከእነርሱ ጋር ያላችሁ ግንኙነት ምን ነበር? አሁን አንድ ላይ ምን ማድረግ ይወዳሉ? እናንተ ወላጆች፣ ከልጅነታችሁ ጋር አብረው ሲሄዱ ከቆዩ ገፀ ባህርያት ምን ትዝታ አላችሁ?
ልደታችን ነው
ታሪክ መስማት
ታሪኩን ማዳመጥ ይፈልጋሉ? ኮዱን ስካን በማድረግ መጽሐፉን እያገላበጡ ቤት ውስጥ፣ እየተጓዙ ወይም በፈለጋችሁት ጊዜ ታሪኩን አብራችሁ ማዳመጥ ትችላላችሁ።
ልደታችን ነው
"ጌታዬ ንጉስ ሆይ ሰላም"
አሚራ በአንድ ወቅት የተጫወተችውን ጨዋታ ለመጫወት አስባለች – እናንተም ትችላላችሁ! እንዴት ነው የምንጫወተው? ከተሳታፊዎቹ አንዱ “ንጉሱ” ሲሆን የተቀሩት ደግሞ በፊቱ መጥተው “ሰላም ጌታዬ ንጉስ ሆይ!” የሚሉ “ልጆቹ” ናቸው። ንጉሱም መልሶ “ሰላም ውድ ልጆቼ! የት ነበራችሁ? ምንስ እያደረጋችሁ ነበር?” ልጆቹ የት እንደነበሩና ምን እንዳደረጉ ያለ ቃላት የሰውነት እንቅስቃሴዎችንና የፊት ገጽታዎችን በመጠቀም ማብራራት አለባቸው። ንጉሱም መገመት አለበት። ሚናዎችን መቀየር ይቻላል፤ የሚፈለግም ነው።
ልደታችን ነው
የድግስ ሰበብ
ዓልማ በአስማታዊ ቆብና አስደናቂ መጠጥ የጠንቋዮች ድግስ አቅዳለች። ጠንቋዮችና አስማተኞች እንዲቀላቀሉ ጋብዛለች። እናንተም አስማታዊ ድግስ ለማዘጋጀት ማቀድ ትችላላችሁ… በራሳችሁ አስማታዊ ሃሳቦች። ምናልባትም የበዓል ድግስ? የጨዋታ ድግስ? ወይስ በሌላ ርዕስ ላይ የምትወዱት ድግስ?
ልደታችን ነው
ለቤተሰብ ንባብ የሚሆን ጠቃሚ ምክር
በጋራ ማንበብ ሴቶችና ወንዶች ልጆች በታሪኩ ውስጥ የተለያዩ ገጸ-ባህርያት ያላቸውን እንዲለዩ ያስችላቸዋል። መለየቱ ሲመሰረት ለሌላው እንደ መራራትና መተሳሰብ ያሉ ውስብስብ ስሜቶች ላይ መወያየት ይችላሉ።
ጓደኛ ጓደኛን ይቀይራል
ውይይት - ለእርሱ ... እናት ብሆን
በቤተሰብዎ ውስጥ የእያንዳንዷና የእያንዳንዱ ሚናዎች ምንድን ናቸው? ከማን ጋር መለዋወጥ ይፈልጋሉ? በመጽሐፉ መንፈስ ውስጥ በቤተሰብ ውስጥ ያሉ ሚናዎችን መቀየር ላይ አብረው መገመት ይችላሉ – ልጆቹ ከአያት ጋር ቢቀያየሩ ምን ያደርጋሉ? አያትስ ከእናት ጋር ቢቀያየር ምን ያደርጋል? እንዴትስ እርስ በርሳችሁ መረዳዳት ትችላላችሁ?
ጓደኛ ጓደኛን ይቀይራል
ታሪኩን ማዳመጥ
በሰልፉ ውስጥ ምን መጫዎት ይቻላል? በኦርኬስትራ ውስጥ ያሉ መሳሪያዎች እንዴት ይሰማሉ? – እነዚህ ሁሉና ሌሎችም ኮዱን ስካን በማድረግ ታሪኩን ሲያዳምጡ ይጠብቁዎታል።
ጓደኛ ጓደኛን ይቀይራል
ጨዋታ – ሙያዬ ነው
ገጸ ባህርይው ማን ነው፦ ዶክተር ወይስ ምናልባት ቀልደኛ? – በእያንዳንዱ ዙር ተሳታፊዎች አንድ ባለሙያን ይመርጡና በትወና አቅርበው ተሳታፊዎቹ ገጸ ባህርይው ማን እንደሆነ መገመት አለባቸው። ለመገመት ትንሽ ይከብዳል? – ፍንጭ መስጠት ይቻላል።
ጓደኛ ጓደኛን ይቀይራል
ወደ ሥዕላዊ መግለጫዎች መግባት
በታሪኩ ውስጥ ከማን ጋር መለዋወጥ ይፈልጉ ነበር? መጽሐፉን ማገላበጥ፣ መቀየር የሚፈልጉትን ሰው መምረጥና እርስ በርስ መጋራት ይችላሉ፦ ጋጋሪውን መቀየር ይፈልጋሉ? በሰልፍ ውስጥ የሚጫወተውን?
ጓደኛ ጓደኛን ይቀይራል
ጓደኛ ጓደኛን ይቀይራል
ውይይት
ታሪኩ ስለ ጎረቤቶችና ግንኙነቶች ውይይትን ይጋብዛል፦ እናንተ የምታውቋቸው ጎረቤቶች እነማን እንደሆኑ በጋራ መወያየትና በአካባቢው ከሚኖረው ጉርብትና ጋር ለመተዋወቅ ስለ አንድ እንቅስቃሴ ማሰብ ትችላላችሁ። እናንተ ወላጆች ከልጅነታችሁ ጀምሮ የጎረቤቶች ታሪኮችን እንድታካፍሉ ተጋብዛችኋል፦ ጎረቤቶቻችሁ እነማን እንደነበሩና አብራችሁ ስላደረጋችሁት ነገር።
ቱክ ቱክ በሩን ማንኳኳት!
"በጣም ደስ የሚል - "ጎረቤቶችን መተዋወቅ
አንድ የሆነ ነገር አንድ ላይ ሠርታችሁ ለጎረቤቶች መስጠት ትችላላችሁ፦ ምግብ፣ ሥዕል ምናልባትም በር ላይ የምታስቀምጡት ደብዳቤ ሊሆን ይችላል። ወይም በቀላሉ ስለሰላማቸው እንዴት እንደሆኑ መጠየቅ ትችላላችሁ። በጣም ቀላሉ ደግሞ፦ ከጎረቤቶች ጋር ሲገናኙ በፈገግታ “ሰላም”፣ “እንዴት ናችሁ?” እና “መልካም ቀን!” ማለት።
ቱክ ቱክ በሩን ማንኳኳት!
በቤት ውስጥ አስደሳች ነው
በያዔል ቤት የሚደረጉ ብዙ አስደሳች ነገሮች አሉ! ሥዕሎችን ለማየት የተጋበዛችሁ ሲሆን የምትወዱትን ተግባር በመምረጥ በራሳችሁ ወይም ከተቀረው ቤተሰብ ጋር ለማድረግ ሞክሩ።
ቱክ ቱክ በሩን ማንኳኳት!
ከራሳችሁ የሆነ ቤት
በታሪኩ ውስጥ ያሉት ልጆች የሳጥኖች ሕንፃ ይገነባሉ፦ እናንተም ትችላላችሁ! የተለያየ መጠን ያላቸውን ሳጥኖች በመሰብሰብ ለእናንተ ወይም ለአሻንጉሊቶቹ ቤት ትገነባላችሁ። እናም ጎረቤቶችን እንዲጎበኙ መጋበዛችሁን እንዳትረሱ።
ቱክ ቱክ በሩን ማንኳኳት!
פינטרסט
פינטרסט – በሮች፣ ጎረቤቶችና የፈጠራ ስራዎች በፒጃማ ቤተ መፃህፍት ፒንተረስት ውስጥ ባለው የመፅሃፍ ገጽ ላይ
ቱክ ቱክ በሩን ማንኳኳት!