עצמאות
סְּפָרִים
ታሪኩን ተከትለው የሚመጡ ቤተሰባዊ ተግባራት፡-
ለቤተሰባዊ ንባብ የሚሆን ጠቃሚ ምክር
ታዳጊዎቹ አንድ ላይ ሲያነቡ ይደሰታሉ። በታሪኩ ላይ ሲያተኩሩ ደግሞ የመማር፣ የማተኮርና የማሰብ ችሎታዎችን ይጠቀማሉ። ወደ ታሪኩ ውስጥ “ለመግባት” እና ትኩረታቸው እንዲሰበስብ ለደቂቃዎች ያህል ከዓለም ጋር ያለውን ግንኙነት ማቋረጥ፣ የተረጋጋ ቦታ ላይ ተቀምጦ ያለ የጀርባ ጫጫታ፣ ስክሪን ወይም ሞባይል በታሪኩ ክንፍ ላይ አብሮ መብረር ይጠቅማል።
ድመቷም
አንዴ ወንድ አንዴ ደግሞ ሴት ድመት ነኝ
አጭሩ መፅሃፍ ከህፃናት የእለት ተእለት ህይወት ልምዶች የተሞላ ነው፦ ለመሳተፍ ይፈልጋሉ፣ አንዳንድ ጊዜ ውድቅ ያደርጉታል፣ እራሳቸውን ችለው ለመኖር ይጥራሉ ብሎም መፍትሔዎችን በማግኘት ይጠመዳሉ። በታሪኩ ውስጥ እንደዚህ ባሉ ጊዜያት ከልጆች ጋር መነጋገርና ከዓለማቸው ጋር ማዛመድ ትችላላችሁ – ድመቷ ምን ፈለገች? ድመቷ ከእርሷ ጋር መቀላቀል በማይፈልግበት ጊዜ ምን ተሰማት? ምን ለማድረግ ወሰነች? እንዲሁም ጉዞ ላይ መሄድ ትወዳለህ? አንቺን ምን ማድረግ ትወጃለሽ?
ድመቷም
ለጉብኝት እንውጣ
ታዳጊዎች ትንሽ ቦርሳ እንዲይዙና ልክ እንደ ድመቷ በቤት ውስጥ ወይም በአካባቢው በእግር መራመድ ይችላሉ። በጉዞው ላይ ምን መወሰድ እንዳለበት አንድ ላይ ማሰብ እንችላለን – የውሃ ጠርሙስ? ኮፍያ? ምናልባት አሻንጉሊት?
ድመቷም
ምስሎቹ ምን ይናገራሉ?
ስዕሎቹን አንድ ላይ ስትመለከቱ በእያንዳንዱ ጊዜ ትኩረታችሁን ወደ ሌላ ነገር ማዞር ትችላላችሁ – ድመቱ የት አለ? ድመቷስ የት አለች? ምን እየሰሩ ነው? በሥዕሉ ላይ የትኞቹን ነገሮች ታውቃላችሁ?
ድመቷም
ለቤተሰባዊ ንባብ የሚሆን ምክር - መንገዳችሁን ማግኘት
ከመኝታ በፊት ተረት ማንበብ አለብህ ያለው ማነው? ምናልባት ከሰዓት በኋላ ማንበብን ይመርጣሉ? ምናልባት ምንጣፉ ላይ አብረው ይተኛሉ ወይስ ለማንበብ የቴዲ ድብን ይቀላቅሉታል? እያንዳንዱ ታዳጊ ህጻን የራሱ ባህርይና ፍላጎት አለው፤ በእርግጥ አዋቂዎችም እንዲሁ የተለያዩ ምርጫዎች አሏቸው። እናንተና ልጆቻችሁ ለማንበብና የራሳችሁን ልዩ የታሪክ ጊዜ ለመፍጠር በጣም ጥሩውን ጊዜና መንገድ መፈለግ አለባችሁ።
ዝንቡ ጠፋብኝ
QR ኮድ
ከጠፋው ዝንብ ጋር መዝፈን ትፈልጋላችሁ? ኮዱን ስካን በማድረግ “ዝንብ ጠፋብኝ” የሚለውን ዘፈን አንድ ላይ አዳምጡ። እንዲሁም አብራችሁ መደነስ፣ መብረርና ጥዝ ማለት ትችላላችሁ።
ዝንቡ ጠፋብኝ
ከእንቅስቃሴ ጋር ማንበብ
በንባብ ጊዜ ልክ በታሪኩ ውስጥ እንዳለው ልጅ ከታዳጊው ህጻን ጋር ዝንብ ማባረር ትችላላችሁ – እጃችሁን በአየር ላይ ማጨብጨብ፣ በሙሉ ሰውነት መዝለል ወይም በመዳፋችሁ ብቻ መዝለል ትችላላችሁ ወይም በትልቅ “እጢሼ” ማስነጠስ ይችላሉ። በመጨረሻም ከጎን ወደ ጎን በመመልከት የጠፋውን ዝንብ ፈልጉ።
ዝንቡ ጠፋብኝ
ጥዝ የሚለው ጣት
ጣታችሁም እንዲሁ ዝንብ ሊሆን ይችላል፦ ጥዝ የሚል ድምጽ በማሰማት ጣታችሁን እንደ ዝንብ በአየር ላይ አንቀሳቅሱት። ታዳጊው “የሚበረው”ን ጣት መከተል እንደቻለ ልብ በሉ። በእያንዳንዱ ጊዜ ጣታችሁን በተለያየ የሕፃኑ አካል ላይ ማድረግ ትችላላችሁ፦ አፍንጫ፣ ጉንጭ፣ እጅ ወይም ጆሮ ላይ። ጮክ ብላችሁ መናገር ትችላላችሁ፦ “ጥዝዝዝዝዝዝ በግንባር ላይ” የአካል ክፍሎችን ስም መለማመድና አንድ ላይ መሳቅ። ታዳጊው ጨዋታውን ካወቀ በኋላ ልክ እንደ ዝንብ በጣቱ እንዲበር ልትጋብዙት ትችላላችሁ።
ዝንቡ ጠፋብኝ
ለቤተሰባዊ ንባብ የሚጠቅሙ ምክሮች
“ብዙዎቹ ለታዳጊ ህፃናት የሚዘጋጁ መጻህፍት ታሪኩን እንዲከታተሉና ንባብን እንዲቀላቀሉ የሚረዳቸው ተደጋጋሚ ዓረፍተ ነገር አላቸው። ታሪኩን በሚያነቡበት ጊዜ የሚደጋገሙትን ዓረፍተ ነገር ለማጉላት በልዩ ድምጽ ማንበብ፣ የእጅ እንቅስቃሴዎችን መጨመር ወይም የንባብ ዘይቤን መቀየር ትችላላችሁ። የተለመደው ዓረፍተ ነገር ወደ እነርሱ ሲመጣ ታዳጊዎቹ ከእናንተ ጋር በመገናኘታቸው ደስተኞች ይሆናሉ።
ኦራ አያል (1946-2011) – የልጆች ሠዓሊትና ደራሲት ናት። የሚርያም ሩት የታወቁትን መጽሃፎችንና እራሷ የደረሰቻቸውን ማለትም፦ ‘ብቻዋን የሆነቺው ልጃገረድ’፣ ‘አንድ ጨለማ ምሽት’ና ሌሎችንም ጨምሮ ከ70 በላይ የህፃናት መጽሃፎችን ምስል አዘጋጅታለች። “
አንድ የፈካ ጠዋት
ውይይት - ማንን ነው መጎብኘት የምንፈልገው?
ጉብኝቶች የታዳጊ ሕፃናት ዓለም ጉልህ ክፍል ናቸው። ዘመዶቻችንንና ጓደኞችን ለመጠየቅ እንሄዳለን። አንዳንድ ጊዜም እኛን ሊጠይቁን ይመጣሉ። መወያየትና መጠየቅ የምትችሉት፦ ማንን ለመጎብኘት ሄድን? በጉብኝቱ ወቅት ምን አደረግን? ወደ ቤታችን ማንን እንጋብዛለን?
አንድ የፈካ ጠዋት
አሁን ማንን እናገኛለን?
በእያንዳንዱ ገጽ መጨረሻ ላይ በሚቀጥለው ገጽ ላይ ስለምናገኘው ነገር የሚጠቅስ ምስል አለ። ገጹን ከመግለጣችሁ በፊት የተገለጸውን ፍንጭ መመልከትና በሚቀጥለው ገጽ ላይ ማን እንደሚጠብቃችሁ መገመት ትችላላችሁ። እንዲሁም በእውነተኛ እቃዎች መጫወት ትችላላልችሁ – አንድን ነገር ከሞላ ጎደል በመሸፈን ታዳጊዎቹን ከሽፋን ስር ምን እንደተደበቀ መጠየቅ – የቴዲ ድብ፣ ኮፍያ ወይስ ምናልባት ትንሽ ቦርሳ?
አንድ የፈካ ጠዋት
በምስሉ ውስጥ ምን አለ?
የመጽሐፉ የመጨረሻ ገጽ ብዙ ሥዕላዊ መግለጫዎች ያሉት በራሱ ታሪክ የሆነ ነው። በታሪኩ ውስጥ ያገኛችሁትን ምስል መፈለግ ትችላላችሁ -ውሻ፣ ሴት ልጅ፣ ኮፍያ ወይስ አበባ። እንዲሁም በአያት ቤት ውስጥ ያሉትን ነገሮች ለመለየት መሞከርና በስም መጥራት ትችላላችሁ፦ ማፍያው የት ነው? ግድግዳው ላይ የተንጠለጠለው ምንድን ነው?
አንድ የፈካ ጠዋት
ለቤተሰባዊ ንባብ ምክር
መጽሐፍ ማንበብ የልጆችን ዓለም ለማወቅ ጥሩ መንገድ ነው። በንባብ ጊዜ አንዳንድ ጊዜ ማቆምና ልጅቷ ወይም ልጁ በታሪኩ ውስጥ ስላሉት ክስተቶች አስተያየት እንዲሰጡ መፍቀድ አለብዎት። የታሪኩ ጀግና ምን ይሰማዋል? እናንተስ አንባቢዎች ምን ይሰማችኋል? ለእናንተም ተመሳሳይ ነገር አጋጥሟችኋል?
አንዳንዴ ትልቅ አንዳንዴ ትንሽ
ውይይት - ትልቆችም ትንሾችም
ሰላጣ ለመሥራት ረድተዋል? ወድቀው ተጎድተው ያውቃሉ? – አንድ ላይ ወላጆችና ልጆች እርስዎ እንዳደጉ የተሰማዎትን ጊዜና በእራስዎ ሙሉ በሙሉ ማድረግ የቻሉትን ድርጊቶችና እቅፍና ማፅናኛ የፈለጉባቸውን ጊዜዎች ማስታወስ ይችላሉ። ይህ የልጆችን ልምዶች ለማወቅ እንዲሁም ከልጅነትዎ፣ ከወላጆችዎ ልዩ ጊዜዎችን ለመጋራት እድል ነው።
አንዳንዴ ትልቅ አንዳንዴ ትንሽ
?ትልቅ ወይስ ትንሽ
ሁለት እቃዎችን በመሰብሰብ ማወዳደር – ማን ትልቅ ማን ትንሽ ነው? – አሁን ከእቃዎቹ ውስጥ አንዱን በሌላ እቃ ይለውጡና እንደገና ያረጋግጡ። ማንኪያው ከቡሽ አጠገብ በሚሆንበት ጊዜ ትልቅ ወይስ ትንሽ ነው? ከመጥረጊያው አጠገብ ሲሆንስ ምን ይሆናል? እራስዎን ወደ ጨዋታው በመጨመር ማረጋገጥ ይችላሉ- ትልቅ ወይስ ትንሽ ነዎት? በቤተሰብ አባላትም አጠገብ ሲሆኑ ምን ይከሰታል?
አንዳንዴ ትልቅ አንዳንዴ ትንሽ
ምስሎችን መመልከት
በንባብ ጊዜ ምስሎችን መመልከትና አስደሳች ዝርዝሮችን መፈለግ አለብዎት። ማታን ምን እያደረገ ነው? ምን ያህል እንስሳት ያያሉ? ማን ትልቅና ማን ትንሽ ነው? ድመት የት ላይ ይታያል? በተለይም የትኛውን ምስል ይወዳሉ?
አንዳንዴ ትልቅ አንዳንዴ ትንሽ
የትኛውን መሆን ይሻላል... ትልቅ ወይስ ትንሽ?
ምን ይሻላል? – ኮዱን ስካን ያድርጉና ከልጆች ጋር አብረው መዘመር ይችላሉ። የትኛው የተሻለ እንደሆነ ያስቡ፦ ትልቅ ወይስ ትንሽ መሆን?
አንዳንዴ ትልቅ አንዳንዴ ትንሽ
ለንባብ ጠቃሚ ምክር፦ ከመጽሐፍ ጋር ጓደኝነት መፍጠር
ከትንሽነታቸው ጀምሮ መጻህፍትን ማንበብ ለጨቅላ ሕፃናት እድገት ትልቅ አስተዋጽኦ ያደርጋል። በዝግታና ቀስ በቀስ ማንበብ መጀመር ይመከራል። መጀመሪያ ላይ ታዳጊው በራሱ መንገድ ከመጽሐፉ ጋር መገናኘት ይችላል፦ ይዳስሰዋል፣ ይከፍተዋል ይዘጋዋል፣ ምስሎችን ይመለከትና ለማወቅ ይጓጓል። ከዚያ ማንበብ ይችላሉ፦ በየቀኑ ትንሽ፣ በትዕግስትና በእርጋታ ማንበብ። አንድ ገጽ ብቻ ማንበብ የሚመርጡ ታዳጊዎች አሉ፣ ማዎቅ፣ ማለማመድና እነሆ – መጽሐፉ ጓደኛ ሆኗል!
ትንሽ ልጅ ወደ መዋእለ ሕጻናት ሄደ
በመንገድ ላይ ምን ይከሰታል
ትኩረት የምንሰጥ ከሆነ አስደሳች ግኝቶችን ማግኘት ይቻላል። በመንገድ ላይ ስለሚያዩት ነገር፣ በእግር ወይም መኪና ሲነዱ ማውራት ይችላሉ። “ቀይ መኪና ይኸውና!” “ደመና አያለሁ አንተስ ምን ታያለህ?” እንዲሁም ከታዳጊዎች ጋር መካፈልና ልምዶችን መለዋወጥ ይችላሉ፦ “ወደ ሥራ መንገድ ላይ አንዲት ሴት ከውሻ ጋር ስትራመድ አየሁ ዛሬ ወደ ሕጻናት ማቆያው ወይም ከእርሱ ስትመለስ ምን አየህ?”
ትንሽ ልጅ ወደ መዋእለ ሕጻናት ሄደ
የጠዋት ሥነ ሥርዓት
በመጽሃፉ ውስጥ እንዳለው ልጅ, ታዳጊዎችም እንዲሁ መደበኛ አሰራርን የሚፈጥሩ የአምልኮ ሥርዓቶች ይወዳሉ, የሚያረጋጉ እና ቀኑን በጥሩ ስሜት እና ደስታ እንዲጀምሩ ይረዷቸዋል. ጠዋት ላይ የእራስዎን ትንሽ የጠዋት ሥነ ሥርዓት ማካሄድ ይችላሉ – ለምሳሌ, ታዳጊው ለተወዳጅ ቴዲ ድብ እንዲሰናበት ማበረታታት ይችላሉ: “ዱቢ, ቴዲ, ወደ ኪንደርጋርተን እሄዳለሁ, ሰላም!” እና እርስዎ, ወላጆች, በድብ ስም መልስ ይሰጣሉ: “ሰላም, ሰላም እና በረከት! እና የተሳካ መንገድ!”
ትንሽ ልጅ ወደ መዋእለ ሕጻናት ሄደ
ከእንስሳት ጋር መገናኘት
በመጽሐፉ ውስጥ ብዙ እንስሳት ይታያሉ። አንድ ላይ ሆነው እነርሱን በመመልከት ስማቸውን መጥቀስ፣ የእንስሳትን ድምፅ ማሰማት ወይም እንቅስቃሴያቸውን ማስመሰል ትችላካችሁ። እንደ ዶሮ መጮህ፣ እንደ ጥንቸል መዝለል ወይም እንደ ፈረስ መጋለብና መጮህ ይችላሉ። እንዲሁም በመጨረሻው ገጽ ላይ ያሉትን ምስሎች በመመልከት በእያንዳንዱ ጊዜ ከእንስሳቱ ውስጥ አንዱን በመደበቅ የሚሰማውን ድምጽ በማሰማት ወይም እንቅስቃሴውን በማስመሰል ታዳጊው የትኛው እንስሳ እንደሆነ እንዲገምት መጠየቅ ይችላሉ።
ትንሽ ልጅ ወደ መዋእለ ሕጻናት ሄደ
ከልጆች ጋር ለምንድነው የሚያነቡት?
የQR ኮድን ስካን ያድርጉና መጽሃፎቹ ለታዳጊ ህፃናት እድገት ያላቸውን አስተዋፅዖ ማወቅ ይችላሉ።
ትንሽ ልጅ ወደ መዋእለ ሕጻናት ሄደ
የንባብ ምክር
መጽሐፉን ወደ ጓደኛ እንዴት ይለውጡታል? ከልጅነት ጀምሮ መጽሐፍትን ማንበብ ለታዳጊ ሕፃናት እድገት ትልቅ አስተዋጽኦ በረክታል። የእኛ ምክር በዝግታ፣ ቀስ በቀስና ለታዳጊ ሕፃን ተስማሚ በሆነ መንገድ መጀመር ነው፡- አንዳንዶች መጽሐፉን መንካት፣ መክፈትና መዝጋት ወይም እንዲያውም “መቅመስ” ሁሉ ይፈልጋሉ። ከዚያ ትንሽ በትዕግስትና በደስታ ማንበብ ትችላላችሁ። ገጽ አንድ ጀምራችሁ አንብቡ፣ ተላመዱት፣ ገፆች ጨምሩበት፣ እነሆም – መጽሐፉ ጓደኛ ሆኗል…!
እንደምን አደራችሁ
"አንድ ላይ ማንበብ - "ደህና አደራችሁ
በንባብ ጊዜ “እንደምን አደራችሁ” የሚሉትን ቃላት በልዩ ድምጽና በሠላምታ አሰጣጥ ምልክት አፅንዖት መስጠት ይችላሉ። ታዳጊውን እንዲቀላቀል፣ ታሪኩን እንዲከታተልና የንባብ አጋር እንዲሆን ይጋብዙት። የእራስዎን ሥነ ሥርዓት መፍጠርና “ደህና አደራችሁ”ን መመኘት ይችላሉ። “ደህና አደራችሁ በኩሽና ውስጥ ላለው ወንበር!”፣ “ደህና አደራችሁ በመንገድ ላይ ላለው ዛፍ!”፣ “ደህና አደራችሁ” ለውሻው ቦቢ!”
እንደምን አደራችሁ
ዓለምን መመልከት
በታዳጊ ህጻናት እይታ ሁሉም ነገር ስለ ዓለም የሚያስተምር ድንቅ ነገር ነው። ወደ መዋእለ ሕጻናት በሚሄዱበት ጊዜ ወይም ከመውጣትዎ በፊት የሚኖረው ጊዜ የሕፃኑን ትኩረት የሚስበውን በጋራ ለመመልከት እድል ነው። በመስመር ላይ የሚራመዱ ጉንዳኖች፣ ትልቅ የጭነት መኪና፣ ምናልባትም በሰማይ ላይ የሚበሩ የወፎች መንጋ?
እንደምን አደራችሁ