የወሩ መጽሐፍት።
אֲנִי וְעַצְמִי
קְרִיאָה
ቀጣዩ ተረኛ
שִׂיחָה
מִשְׂחָק
שֵׁמַע
הַשְׁרָאָה
ሃርሞኒካው
סִרְטוֹנִים
יְצִירָה
כְּלָלִי
ረዥሙመንገድ
ካነበቡ በኋላ ስለ መጽሐፉ ጀግኖች ስሜትና በታሪኩ ውስጥ ከተነሱ ሁኔታዎች ጋር ስላላቸው ግንኙነት በመነጋገር ከእነርሱ ተነሳሽነትን እንዲያገኙ ማድረግ ይኖርብዎታል። ሴትና ወንድ ልጆች በታሪኩ ውስጥ ያሉ ገፀ-ባህሪያትን ሲለዩ ለተለያዩ አመለካከቶች ይጋለጣሉ፤ ከራሳቸው ሕይወት የሚያውቋቸውን ስሜቶችና ባህሪያትም ይማራሉ።
ታሪኩን በመከተል መወያየት፣ ማጋራትና መጠየቅ ይችላሉ፦ ወረፋ ሲጠብቁ ምን ይሰማዎታል? የእኛ ተራ ከሌሎች የበለጠ አጣዳፊ እንደሆነ ተሰምቶን ያውቃል? አንድ ቡችላ እርሱን ግምት ውስጥ ያስገቡት መሆኑን በምን የሚያውቅ ይመስልዎታል? ኮፊፍና ሌሎች የሚጠባበቁ ሰዎች ተራቸውን ከለቀቁ በኋላ ምን ተሰማቸው? እርስዎን ግምት ውስጥ ስላስገቡ ሰዎች ወይም እርስዎ ሌሎችን ግምት ውስጥ ያስገቡበት ሁኔታ አብረው ለማስታወስ ይሞክሩ።
ኮፊፍ፣ ቀጭኔ፣ ዝሆንና አዞ የተራውን ቅደም ተከተል የሚወስን መርህ ለማግኘት ይሞክራሉ። በእነርሱ ተነሳሽነት እያንዳንዱን ጊዜ በተለየ ቅደም ተከተል የሚያስተዳድሩበት ከሁሉም የቤተሰብ አባላት ጋር በመሆን አዝናኝ ጨዋታ መጫወት ይችላሉ። ለምሳሌ፦ በእድሜ ከወጣት እስከ ሽማግሌ ወይም በሸሚዝ ቀለም ከደማቅ እስከ ፈዛዛ ምናልባትም ምን ያህል አይስ ክሬምን እንደሚወዱ ቅደም ተከተልን መስጠት ይችላሉ። የተለያዩ አዝናኝ ባህሪያትን በአንድ ላይ ማምጣትና ማረጋገጥ ይቻላል- አሁን ላይ ማን ነው ቀጣዩ?
ኮፊፍ የጥበቃ ጊዜውን ያሳለፈው እንዴት ነው? አብረውት ከሚጠባበቁት ጋር ተነጋግሮ ለወረፋው ቅደም ተከተል ሀሳብ በማቅረብ አዳዲስ ጓደኞችን አፍርቷል። እርስዎም አንድ ላይ ሆነው አንድ ነገር ሲጠብቁ ጊዜዎን እንዲያሳልፉ የሚያግዙ ሀሳቦችን ማምጣት ይችላሉ። በተጠባባቂ ላይ እያሉ ሊዘፍኑት የሚችሉትን አዝናኝ ዘፈን፣ የጣት እንቅስቃሴ ጨዋታና ጊዜውን እንዲያሳልፉ የሚረዳዎትን ሃሳብ መስራት ይችላሉ – መጽሐፍ፣ የስዕል ደብተር፣ እንቆቅልሽ፣ የመከላክል ኳስ። ወይም ወደ አእምሮዎ የሚመጣ ሌላ ማንኛውም አዝናኝ ሀሳብ።
እንዴት ኮፊፍ እንደሚሰማ ማዎቅ ይፈልጋሉ? ዶ/ር ጽቢያ እንዴት እንደምትሰማስ? ኮዱን ስካን ያድርጉና ታሪኩን ያድምጡ።
ተጨማሪ ስራዎችን፣ መዝሙሮችንና እንቅስቃሴዎችን በፒጃማ ቤተ መጻህፍት ፒንተረስት ላይ
በጣም አስቸጋሪ ጊዜ ውስጥ እንኳን – ሽሙሌክ በእርሱ ሃርሞኒካ ሊተማመን ይችላል – በአስቸጋሪ ጊዜያት ምን ይረዳችኋል? አስቸጋሪ ወይም አሳዛኝ ነገር በሚሆንበት ጊዜ ስለማጽናናት መወያየትና ሀሳቦችን ማጋራት ትችላላችሁ፦ ዜማ፣ ሕልም ወይም ምናልባት የተወዳጅ ሰው እቅፍ ሊሆን ይችላል።
የሽሙሌክ ሃርሞኒካ ምን ይመስላል? – የQR ኮዱን ስካን በማድረግ ታሪኩንና ዜማዎችን ማዳመጥ ይችላሉ።
የምትወዷቸው ዜማዎች የትኞቹ ናቸው? ስታዝኑ ወይም ደስተኛ ስትሆኑ መስማት የምትፈልጓቸውን ዜማዎች፣ የጠዋት ዜማዎች ወይም እንድትተኙ የሚረዷችሁን ዜማዎች በጋራ መፈለግና ማዳመጥ ያስፈልጋል። የምትወዷቸውን ዜማዎች የቤተሰብ ማጀቢያ መፍጠርና በፈለጉት ጊዜ ማዳመጥ ይችላሉ።
ሽሙሌክ የወደቁትን ጥርሶች በሳጥኑ ውስጥ ያስቀምጣቸዋል፤ ይሰበስባቸዋልም። እናንተም ሣጥን መሥራት፣ ማስጌጥና ከልባችሁ የምትወዷቸውን ዕቃዎች፦ እንደ አገኛችኋቸው ሀብት ወይም ወደፊት ልታሳኳቸው የምትፈልጓቸውን የሕልም ሥዕሎች በሳጥኑ ውስጥ ማስቀመጥ ትችላላችሁ።
ስትወላወሉና ምን ማድረግ እንዳለባችሁ ሳታውቁ ስትቀሩ ምን ታደርጋላችሁ? ከማን ምክር ለማግኘት ደስ ይላችኋል? ከማን ምክር መቀበል ይከብዳችኋልና ለምን? – አንዳንድ ጊዜ ጥሩ ምክሮች ሳይታሰቡ ይመጣሉ፦ ከልጆቻችሁ ጋር ስለ ጉዳዩ ማውራት ትችላላችሁ። ምክር ያዳመጡትን ጊዜ በማስታወስ ከታላላቅና ወጣት ሰዎች የተማራችሁትን አካፍሉ።
ለመንገድ ወጥታችሁና ረዥም ሆነ? ምናልባት አሰልቺ? – በጉዞው ወቅት መጫወት ይቻላል፦ በመንገድ ላይ ያሉ ታፔላዎችን መቁጠር፣ የተለመዱ ፊደላትን መለየት፣ የዓመት ወቅቶችን ተከትሎ በአካባቢው ለውጦችን ማግኘት፣ ተወዳጅ ዘፈኖችን መዝፈን፣ እንዲሁም … መንገዱን ማጤንና እስካሁን ድረስ ያላስተዋላችኋቸውን ነገሮች ላይ መደሰት።
ልጆች አዋቂዎችን ምን ማስተማር ይችላሉ? አዋቂዎችስ ልጆችን ምን ማስተማር ይችላሉ? እውቀታችሁን እርስ በርሳችሁ ማካፈል አለባችሁ፤ አብራችሁም ልትለማመዱት ትችላላችሁ፦ ጨዋታ፣ ዘፈን፣ ውዝዋዜ ማስተማር ትችላላችሁ። ስለ ስፖርት፣ ስለ እንስሳት ወይም ስለሌላ መስክ እውቀትን ማካፈል ትችላላችሁ። አስተማራችሁ? ተማራችሁ? አሁን በሚናዎቻችሁ ተቀያየሩ።
በማዳመጥ እገዛ ከቦታ ወደ ቦታ እንዴት መድረስ ይቻላል? ዓይናችሁን ጨፍናችሁ በክፍሉ በር ላይ ቁሙና አንዱን የቤተሰብ አባል በመመሪያ እገዛ በመተማመን ቤት ውስጥ ወዳለ ሌላ ቦታ እንዲመራችሁ ጠይቁ። መጽሐፉን ተከትላችሁ ለእናንተው ያዘጋጀነውን የቦርድ ጨዋታ በመጫወት መቀጠል ትችላላችሁ።
የአቅጣጫ ጨዋታዎችና ፈጠራዎች በፒጃማ ቤተ መፃህፍት ፒንተረስት ውስጥ ባለው የመፅሃፍ ገጽ ላይ
יש להזין את הקוד שנשלח כדי להיכנס
להאזנה לחצו
ቀጣዩ ተረኛ 
ሃርሞኒካው 
ረዥሙመንገድ 
קְרִיאָה
שִׂיחָה
מִשְׂחָק
שֵׁמַע
הַשְׁרָאָה
סִרְטוֹנִים
יְצִירָה
כְּלָלִי
