ኩልኳሎዎች

ለቤተሰባዊ ንባብ የሚሆኑ ጠቃሚ ምክሮች

• አጋርነት
  • 
  • 
  • 
  • 

ከትንሽነታቸው ጀምሮ መጻሕፍትን ማንበብ ለታዳጊ ሕፃናት እድገት አስተዋጽኦ ያደርጋል፦ ለለጋ ህጻን በሚስማማ መንገድ በዝግታና በቀስታ እንዲጀምሩ እንመክርዎታለን፦ ለመጀመር አንዳንዶች መጽሐፉን መንካካትን፣ መዝጋትንና መክፈትን አልፎ ተርፎም ‘መቅመስን’ ሊመርጡ ይችላሉ። አንድ ገጽ በማንበብ መጀመር ይችላሉ። እርሡን ይለማመዱ፣ ገጾችን ይጨምሩ። ይሄው – መጽሐፉ ጓደኛ ሆነ ማለት ነው!

ዳትያ ቤን-ዶር (1944) በአንድ ከመንፈቅ ዓመቷ ከግብፅ ወደ እሥራኤል ዓሊያ አድርጋለች። በሙያዊ ሥራዋ መጀመሪያ ላይ በሙዚቃ ትምህርት በመሠማራት ሠርታለች። ለቅድመ ትምህርት ቤት ልጆች ለብዙ የቴሌቭዥን ፕሮግራሞች ስክሪፕቶችንና ዘፈኖችን ጽፋለች፦ “ቆንጆ ቢራቢሮ”፣ “የሰሊጥ ጎዳና” እና ሌሎችም። የመዋዕለ ሕፃናት ዜማዎቿና የህፃናት መጽሃፎቿ የታወቁና የተወደዱ ሲሆኑ ከነዚህም መካከል፦ “እኔ ሁልጊዜ እኔው እንደሆንኩ እቀራለሁ”፣ “የዋዘኞች ፊደላት” እና “የሞኞች መጽሐፍ”። ቤን-ዶር በልጆች ሥነ ጽሑፍ ላይ ላደረገችው አስተዋፅዖ ብዙ ሽልማቶችን አግኝታለች።

በምሥሎች መገንዘብ

• አጋርነት
  • 
  • 
  • 
  • 

በመጽሐፉ ውስጥ ያሉትን ምሥሎች መመልከት ለህፃናት የቋንቋ እድገት አስተዋጽኦ ያደርጋል። ምሥሉን አንድ ላይ ማየቱና መግለጹ ተገቢ ነው፡- ለምሣሌ፡- “ይሄ ፊኛ ነው፣ ፊኛ ክብ ነው፣ ፊኛው ወደ ላይ እየበረረ ነው”። በዚህም የሕፃናቱን የቃላት አነጋገር ያበለጽጋሉ።

ለሁሉም ቤተሰብ የሚሆን እንቅስቃሴ

• አጋርነት
  • 
  • 
  • 
  • 

እያንዳንዱ ግጥም ለሁለት ተግባር የሚሆን ሀሳብ ስላለው ለተጨማሪ የቤተሰብ አባላት ወይም ጓደኞች እንዲስማማ ማድረግ ይችላሉ። ለምሣሌ፦ “ሁለት ጊዜ መሳም” በሚለው ግጥም ውስጥ በቤት ውስጥ ያለውን ሁሉ ሁለት ጊዜ መሳምና ማቀፍ ይችላሉ። “አይጥ” በሚለው ግጥም ውስጥ ጥቁሩን ድመት መሆን ይችላሉ – ጣቶችዎን ወደ ‘ጆሮ’ ያጣጥፉና “ሩጥ ሩጥ ሩጥ … እና … ሆፕ! ወደ ጉድጓዱ ግባ” ብለው ሲጣሩ ሁሉም ሰው እየሮጠ ይሸሸጋል። ውስጥ

ከመጽሃፉ ወደ ሕይዎት

• አጋርነት
  • 
  • 
  • 
  • 

ግጥሞችን ወይም ሀረጎችን ከመጽሃፍቱ ወደ የዕለት ተዕለት እንቅስቃሴዎ ማካተት ይችላሉ። ለምሣሌ፦ ታዳጊዎች አንድን ነገር እምቢ ሲሉ፦ “ዔሊው እንደማይፈልግ አንተ/ቺም አትፈልግ/ጊም?” ወይም አንድ ላይ ቢራቢሮ በመመልከት “አንድ ቆንጆ ቢራቢሮ ወደ እኔ መጥቶ በእጄ በረረ” የሚለውን ግጥም ማለት ይችላሉ።